Senokozulua
1909an inauguratu zen, argi-sistema osagarri bat eskatu eta gero; izan ere, Platako itsasargia, zeinari atxikia zaion, ez baitzen nahikoa Pasaiako portura gauez sartzeko, eguraldi txarrarekin bereziki. Pasabide konplikatu samarra zenez, itsasontziek hainbat maniobra egin behar izaten zuten, ubideko arroka-mutur eta labarrak ekidingo bazituzten.
Dagoen tokian dagoelako, ospelean, eraikinak ez du eguzkia negu osoan ikusten; hortaz, ilun eta hezea da. 50 m-ra kokatuta, Senokozulua itsasargia teknikoki balizatzat jotzen da, haren irispidea 8 milia nautikora mugatua dago eta.
Kolore sistema darabil, itsasontziek interpretatzea ezinbesteko dutena, ongi sartzeko. 1986 arte itsasargizaina bertan bizi zen. 1933an elektrifikatu zen.
Ubidearen beste aldean, Pasai Donibaneko Victor Hugo Museoan, bisitariek aurki dezakete erakustareto iraunkor bat, bai eta ikus-entzunezko bat ere: frantziar idazleak eskualdeaz idatzitakoa ez ezik, eskualdea bera ezagutzeko aukera ona.
Lokalizazioa
Argazkiak