Santa Klara

Santa Klarako itsasargia izen bereko uhartean dago, alegia, Donostian, Kontxako badiaren erdian. Argiaren irispidea 9 miliatara iristen denez, eta ez 12 miliataraino, teknikoki balizatzat hartua da.
1864ko irailaren 15ean hasi zen lanean. Kapera zahar baten aiurrien gainean eraiki zen, uhartearen gainaldean.
Azalera karratuko itsasargia da, baina alboan atxikia duen dorre zilindrikoaren gainean pausatua dago zortzi angeluko linterna, eskuz egindako kobrezko kupula batek estalia.
1962an, itsasargia elektrifikatu eta automatizatu zen, eta orduan ezarri zitzaion oraingo kadentzia, bost segundoan behin distirak ematekoa. Igeldoko itsasargizaina da Santa Klarakoa ere mantendu eta konpontzeaz arduratzen dena .
Itsasargiaren estanpa ederra primeran ikusten ahal da Aquarium eta Pasealeku Berritik. Ilunabarrean, Santa Klarak eta Igeldok duten klisken kadentzia desberdinen jokoaz bertatik goza daiteke. Merezi du Aquariuma bisitatzea, ozeanarioa zeharkatzen duen metakrilatozko tunela eta guzti. Aldamenean dagoen Pasealeku Berrian, Jorge Oteizaren eskulturak paisaia zoragarria ederragotzen du.