Santa Katalina

Santa Katalina itsasargia izen bereko lurmuturrean kokatua dago, itsas mailaren gainetik 46 m-ra. Oinarri oktogonalaren gainean altxatutako dorre bat da, kono-enborreko forma duena. Lurmuturraren luzapen batean eraikia dagoenez, ekaitzak daudenean uhinek busti egiten dute. Eraikinaren garaiera osoa 13 m-koa da. Zilar koloreko linterna dauka, sistema katadioptrikoko optika birakaria duena, eta irispidea 12 miliaraino luzatzen ahal duena. 1862ko azaroaren 15ean piztu zen lehen aldiz, porturatzeko itsasargia izateko sortua zelarik.

Lekeitioko portutik 1,5 kilometrora dago. Basakerien aurka babestearren, hesi batek inguratua da egun. Izan ere, itsasargien automatizazioak erakarri du bertan inor ez egotea, eta, horrenbestez, bakardadeaz baliaturik, halako erasoak ugaldu izana. Orain nabigazioaren interpretazio zentro bihur dadin da asmoa.
Beti izaten da gustagarri Lekeitioko kaleetan barrena paseatzea eta hiri txiki eder honetako arte eta arkitekturaren ondareaz gozatzea; horra hor, adibidez, Santa Mariaren Jasokunde eliza gotiko bikaina, erretaula eta guzti, San Jose eliza, Uriarte jauregia, eta abar.

Lokalizazioa

Argazkiak

Gertaldiak eta Naufragioak

1878/5/9 Bartzelonako espainiar itsasontzi zentroak, joan den apirilaren 28ko bileran, honakoa ebatzi zuen: bere gain hartzea, hezkuntza eta instrukzioa ematearren, bost eta hamalau urte arteko adina duten sei ume, betiere Kantauriko kostaldean hainbeste ezbehar erakarri duen enbata ikaragarriaren biktima izan direnen umezurtzak. 1878/4/27 Bene-benetan lazgarriak dira kantauriar kostaldeko zentro ofizialetan jasotzen ari diren datuak, duela hiru egun hango itsasertzean pairatu zen galernak eragindako  haize-boladak direla kausa. Bart jaso da honako telegrama: “Bilbo 22 – Diputazio Probintziala, Udala eta herritarrak orobat arduratzen ari dira naufragoen familiei baliabideak irits dakizkien, gaineratu zaien egoera tamalgarria arintzeko xedez. Gure probintzian orain arte ezagutzen den biktimen kopurua honakoa da: Bermeo 95 hildako Elantxobe 40 Lekeitio 7 Ondarroa 13.

Iritziak

izena

e-posta

iritzia